У беларускіх малодшых школьнікаў з'явіцца факультатыў «Мая Айчына»
Гэта вынікае з пастановы Мінадукацыі, апублікаванай на Нацыянальным прававым партале. Факультатыў разлічаны на 105 гадзін і будзе вывучацца з 5 па 7 класы.
Ілюстрацыйнае фота «Наша Ніва»
Задачы факультатыва наступныя:
- пашырэнне ведаў вучняў пра асаблівасці гістарычнага развіцця Рэспублікі Беларусь і жыцця беларускага народа;
- фарміраванне ў вучняў каштоўнасных адносін да сваёй Радзімы, выхаванне іх на лепшых традыцыях нацыянальнай культуры;
- выхаванне ў вучняў глыбокай павагі да нацыянальнай спадчыны, традыцый, звычаяў і культуры беларускага народа;
- фарміраванне актыўнай грамадзянскай пазіцыі;
- развіццё ў вучняў крытычнага мыслення па аснове аналізу розных крыніц інфармацыі; стварэнне ўмоў для развіцця творчай асобы, самаадукацыі, самавыяўлення.
У выніку асваення зместу гэтай вучэбнай праграмы навучэнцы павінны:
- мець уяўленне аб паняццях «Радзіма», «Айчына», «сімвалы дзяржаўнасці», «дзяржаўная ўлада» і іншых;
- ідэалогіі беларускай дзяржавы;
- канстытуцыйных правах і абавязках чалавека;
- нацыянальных асаблівасцях беларускага народа,
- талерантных адносінах да прадстаўнікоў іншых нацыянальнасцяў ды інш.
Сярод тэм факультатыва для вучняў пятага класа — «Закон і парадак», «Айчына —Радзіма — дзяржава», «Пад абаронай дзяржавы», «Грамадзянінам быць абавязаны».
У шостым класе на факультатыве разгледзяць такія тэмы як «Мая сям'я», «Будучыня — гэта мы», «Годныя грамадзяне Айчыны», «Учынкі чалавека».
У праграме для сёмага класа ёсць такія тэмы: «Адказнасць за правапарушэнні», «Быць адказным за свае ўчынкі», «Нормы жыцця ў грамадстве», «Героі вакол нас».
Чытайце таксама:
Мінадукацыі паабяцала навучальным установам «сур'ёзную рэвізію»
У беларускіх школах увядуць новы падручнік па гісторыі. Але «перапісвання не будзе»
Прыватнікі закрываюцца: бацькі распавялі пра сыход гурткоў са школ