Расійскія войскі сёння абстралялі цэнтр Харкава
Наконт разбурэнняў і ахвяр інфармацыя ўдакладняецца.
Ілюстрацыйнае фота: Андрэй Марыенка / УНІАН
Расійскія войскі абстралялі Харкаў. Як паведамляе мэр Ігар Церахаў, у выніку абстрэлу цэнтральнага раёна Харкава ўзнік пажар.
«Удар па цэнтральным раёне горада. Шчыльная жылая забудова. Пажар. Наконт разбурэнняў і ахвяр інфармацыя ўдакладняецца», — сказаў Церахаў.
У ноч на 6 жніўня Расія атакавала Украіну 16 ударнымі беспілотнікамі тыпу «шахед», а таксама чатырма балістычнымі ракетамі «Іскандэр-М» і двума кіраванымі авіяцыйнымі ракетамі Х-59.