Генпракуратура прапануе тэставаць настаўнікаў на схільнасць да педафіліі
З такой прапановай выступіў генпракурор Андрэй Швед.
Андрэй Швед. Фота: Pravo.by
Прапанову аб тэставанні педагогаў на схільнасць да педафіліі Швед агучыў на сустрэчы з калегамі з краін СНД.
Паводле яго слоў, урад завяршае працу над ініцыяванымі Генпракуратурай законапраектамі аб адміністрацыйнай адказнасці за прапаганду гомасэксуалізму, змены полу, педафіліі, адмовы ад нараджэння дзяцей, захоўванне парнаграфічных матэрыялаў з выявай малалетняга, піша Sputnik.
«А таксама ўвядзенне псіхалагічнага тэставання педагогаў на прадмет выяўлення схільнасці да здзяйснення палавых злачынстваў у дачыненні да дзяцей», — дадаў Швед.
У мінулым годзе вырасла колькасць непаўналетніх, якія пацярпелі ад злачынстваў супраць палавой недатыкальнасці, — з 922 у 2022 годзе да 1291 у 2023-м. У дачыненні да большасці пацярпелых злачынствы былі здзейсненыя ў мінулыя гады і выяўленыя ў 2023-м.
Чытайце таксама:
Генпракурор Швед абмеркаваў у Арменіі пытанне выдачы беларусаў па запытах рэжыму
Унікальны выпадак: вызваленага па амністыі вярнулі ў калонію. Гэтага дамагліся бацькі ахвяры
Беларусам за мяжой пачалі рассылаць паведамленні, каб нагадаць пра «камісію па вяртанні»