П'яны кіроўца ў Барысаве даў даішніку хабар у тры тысячы еўра. Яго затрымалі
6.10.2024 / 14:37
За дачу хабару інспектарам ДАІ затрыманы п'яны кіроўца. Мужчына затрыманы і змешчаны ў ІЧУ.
Скрын міліцэйскага відэа
Увагу нарада ДАІ Барысаўскага РУУС кіроўца Land Rover звярнуў на сябе, бо праігнараваў дарожны знак «Уезд забаронены», паведамляе прэс-служба МУС.
За рулём машыны знаходзіўся 44-гадовы мясцовы жыхар з прыкметамі алкагольнага ап'янення. Пры дастаўленні ў медыцынскую ўстанову для праходжання агляду ён пачаў прапаноўваць інспектарам грошы, каб яго адпусцілі.
Ён пакінуў у салоне службовага аўтамабіля звыш дзвюх тысяч рублёў і 2,5 тысячы еўра.
Мужчына затрыманы і змешчаны ў ІЧУ, ад медагляду ён адмовіўся.
Раней падазраваны неаднаразова прыцягваўся да адміністрацыйнай адказнасці за парушэнні хуткаснага рэжыму, правіл абгону, здзяйсненне ДТЗ і пакіданне месца здарэння.