Выйшаў на волю святар Юры Бараўнёў
Каталіцкі святар Юры Бараўнёў з Крулеўшчыны ў чацвер выйшаў на волю пасля адбыцця дзесяці сутак арышту, паведамляе «Хрысціянская візія».
Пра затрыманне ксяндза Бараўнёва стала вядома 8 кастрычніка, яго затрымалі 7 кастрыніка.
Пазней стала вядома, што далі 10 сутак па ч. 2 арт. 19.11 КаАП РБ — распаўсюд экстрэмісцкіх матэрыялаў.
Нагадаем, Віцебская вобласць з'яўляецца «лідарам» па затрыманнях каталіцкіх святароў. Усяго з 2020 г. праз адміністрацыйныя арышты прайшоў 31 ксёндз — з іх 13 з Віцебскай дыяцэзіі.