У Беларусі правядуць рэнавацыю жыллёвага фонду
Пра намер правесці рэнавацыю жыллёвага фонду заявіў міністр архітэктуры і будаўніцтва Руслан Пархамовіч падчас пасяджэння па праекце канцэпцыі дзяржаўнай жыллёвай палітыкі краіны да 2030 года, перадае БелТА.
Кіраўнік ведамства вылучыў тры асноўныя кірункі, над якімі плануюць працаваць у міністэрстве.
Першы — дэурбанізацыя. «Гэта пытанне залішняга ператоку кадраў у сталіцу, абласныя гарады, і прыняцця мер па вяртанні іх у сельскую мясцовасць, у малыя гарады», — адзначыў міністр.
Другі кірунак — павелічэнне аб'ёму будаўніцтва арэнднага жылля для запатрабаваных спецыялістаў.
Трэцяе — рэнавацыя наяўнай жылой забудовы, каб павысіць эфектыўнасць яе выкарыстання. У Беларусі ёсць шмат дамоў з гранічнымі або высокімі тэрмінамі эксплуатацыі. Частка жыллёвага фонду ў малых гарадах і ў сельскай мясцовасці і ўвогуле зжыла сябе.
Па словах міністра, немагчыма пастаянна падтрымліваць жыллёвы фонд у належным стане, а капітальны рамонт не прадугледжвае павышэння яго ўпарадкаванасці.
Чытайце таксама:
Падаражэлі папулярныя крэдыты на жыллё