Расія забараніла таджыкскія арэхі і сухафрукты
З гандлёвых сетак канфіскуюць
Расспажыўнагляд забараніў увоз у Расію арэхаў і сухафруктаў з Таджыкістана, у тым ліку прыватнымі асобамі, праз успышкі поліяміэліту ў рэспубліцы.
Кіраўнік Расспажыўнагляду Генадзь Анішчанка таксама даручыў канфіскаваць з гандлёвых сетак сухафрукты і арэхі з гэтай краіны.
Па дадзеных Еўрапейскага рэгіянальнага бюро Сусветнай арганізацыі аховы здароўя, на канец красавіка ў Таджыкістане зарэгістраваны 171 выпадак вострага паралічу, у тым ліку 168 выпадкаў сярод дзяцей да 15 гадоў. 12 хворых памерлі. У 32-х выпадках дыягназ поліяміэліт быў пацверджаны лабараторна.