Кіраўнік МЗС Нідэрландаў выступае за вяртанне да санкцый
Міністр замежных спраў Нідэрландаў Уры Розенталь у размове з прадстаўніком ЕС па знешняй палітыцы Кэтрын Эштан заявіў, што яго краіна гатовая бліжэйшым часам зрабіць адпаведныя захады ў дачыненні да Менска.
Падстава для такога рашэння — непразрыстыя і недэмакратычныя прэзідэнцкія выбары, а таксама выкарыстанне ўладамі жорсткага гвалту супраць тых дэманстрантаў, якія выказалі сваю нязгоду ў сувязі з вынікамі галасавання.
Міністр падкрэсліў, што арышты сотняў дэманстрантаў, у тым ліку некалькіх кандыдатаў на прэзідэнта — непрымальныя. Асабліва непакоіць тое, што месцазнаходжанне шмат каго з затрыманых да гэтага часу невядомае.
Уры Разенталь лічыць, што Брусэлю варта разгледзець магчымасць паўторнага ўвядзення абмежаваньняў на паездкі прэзідэнта Лукашэнкі і ягоных паплечнікаў у ЕС на дадатак да фінансавых санкцый.