Журналіст Барыс Гарэцкі — у судзе Маскоўскага раёна
Карэспандэнт Радыё Рацыя Барыс Гарэцкі знаходзіцца ў судзе Маскоўскага раёна Мінска (пр-т газеты Праўда, 27). Пра гэта маці Барыса Эле Гарэцкай паведамілі з суда ранкам 18 студзеня. У чым вінавацяць журналіста невядома.
Амаль суткі месцазнаходжанне Барыса Гарэцкага было невядома ні ягоным сваякам, ні калегам у працы. Яго затрымалі напярэдадні, 17 студзеня, каля будынка КДБ, калі журналіст запісваў інтэрв’ю са сваякамі зняволеных паводле крымінальнай справы аб падзеях 19 снежня.
У журналіста напачатку затрымалі для праверкі дакументаў, а затым правялі ператрус на яго кватэры, а таксама на кватэры яго брата -- Кастуся Гарэцкага.
Суд пачнецца а 11:30.