Дачка Статкевіча атрымала першы ліст ад бацькі

Першы ліст ад бацькі атрымала дачка экс-кандыдата ў прэзідэнта Мікалая Статкевіча — Кацярына.

— Я ў суботу атрымала ад таты першы ліст, даволі вялікі, датаваны 7-м сакавіка, — распавяла Каця Статкевіч. — Ён піша, што да гэтага ўжо пісаў сястры Ані. Але яна ніякіх лістоў не атрымлівала, ды і да іншых нічога не даходзіць. Я тату таксама напісала ўжо вельмі шмат лістоў, але яго адвакат сказала, што ён нядаўна атрымаў толькі два маі лісты.

У лісце ён віншуе нас з 8 сакавіка, піша, што са здароўем у яго ўсё добра, пераконвае, каб мы не хваляваліся. Але пра сябе ён паведаміў мала. Піша толькі, што набірае страчаную падчас галадоўкі вагу, шмат чытае, робіць зарадку. Большая частка лісты — гэта пытанні: пра мяне, пра дысертацыю, пра мужа. Піша, што ў лістах ўсім закранае толькі бытавыя тэмы, каб яны даходзілі.

Нагадаем, што экс-кандыдату ў прэзідэнту Мікалаю Статкевічу прад’яўлена абвінавачаньне ў арганізацыі масавых беспарадкаў 19 снежня. Следства скончана. Магчыма, ужо сёння Статкевіч і яго адвакат пачнуць знаёміцца ​​з матэрыяламі справы.

Каментары да артыкула