Місюкевіча выклікаюць у падатковую
Позву ў падатковую інспекцыю Ленінскага раёна Менску маладафронтаўцу Юльяну Місюкевічу ўручылі яшчэ ў красавіку. «Тады пасля аперацыі я хадзіў на мыліцах, таму супрацоўнікі падатковай дазволілі прыйсьці да іх пасля выздараўлення,« — паведаміў Юльян.
Апрача дэкларацыі, у падатковай Юльяна папрасілі адказаць на спіс з 13 пытаньняў. Інспектараў зацікавіла аплата дамена mfront.by, паездкі за мяжу, даход ад кніжкі, якая была выдадзена ў 2009 г. ды інш.