Цукар: народ размятае, бо чакае падаражэння, урад абвяргае

Мінгандлю, Мінэканомікі і Белдзяржхарчпрам абвяргаюць чуткі пра павышэнне цэн на цукар найбліжэйшым часам.

Рэгіёны поўняцца чуткамі пра будучае чарговае падаражэнне цукру.

Вясковыя крамы вымеценыя падчыстую. Ажыятажу таксама пасадзейнічаў надыход сезона закатак і кансервавання.

Тым часам Мінгандлю, Мінэканомікі і «Белдзяржхарчпраме» абвяргаюць чуткі пра павышэнне цэн на цукар найбліжэйшым часам.

У «Белдзяржхарчпраме» заявілі: «Ніякага павышэння цэн на цукар няма і не плануецца найбліжэйшым часам». У Мінгандлю адмовіліся «каментаваць чуткі». У Мінэканомікі паведамілі, што ніякага рашэння аб павышэнні цэн на цукар няма і найбліжэйшым часам не рыхтуецца. Няма інфармацыі пра падаражанне цукру і ў прадпрыемства «Белбакалея», якое займаецца яго фасоўкай і аптовым продажам.

Варта адзначыць, што рознічныя цэны на цукар у Беларусі выраслі 28 мая амаль на 40%. Рознічная цана на цукар-пясок вагавы, упакаваны ў мяшкі па 50 кг, складае 4.600 рублёў (раней — 3.290) за кілаграм, на расфасаваны ў спажывецкую ўпакоўку па 1 кг — 5.000 рублёў (раней — 3.600).

Паводле звестак Белстата, у студзені-чэрвені было прададзена 97,8 тыс. тон цукру, што перавысіла аналагічны леташні паказчык на 53,5%, паведамляе БелаПАН.

Каментары да артыкула