Сюды ўсім бацюшкам высылаюць «Белорусскую жізнь»: «НН» сто гадоў з вамі

Бельскі павет Гродзенскай губерні. Сюды ўсім бацюшкам высылаюць «Белорусскую жізнь», але ніхто не хоча выпісваць, бо, кажуць, яна нічога не дае карыснага, адно брэша ды грызецца.

Тое самае пішуць нам з-пад Мядзела Віленскай губ. і з-пад Чавусаў Магілёўскай губ.

«НН». № 27. 1911.

За Машэраву на прэзідэнцкіх выбарах гатовыя прагаласаваць 17% выбарцаў. Гэта, як сведчыць апытанне, збольшага русафілы, расчараваныя ў палітыцы Лукашэнкі, і пратэставы электарат. Праўда, 40% апытаных заяўляюць, што не прагаласуюць за Машэраву ні ў якім разе. Г.зн., што і яна без апоры на галасы дэмакратычнага і нацыяналістычнага электарату не мае найменшага шанцу на перамогу. Між тым яна дагэтуль цалкам выключае падобную кааліцыю, што і разглядаецца аналітыкамі як сведчаньне яе непераадольнай несамастойнасці.

«НН». № 27. 2001.

Каментары да артыкула