Пракуратура правярае інфармацыю аб збіванні асуджаных у калоніі №5 Брэсцкай вобласці
Генеральны пракурор Беларусі даручыў свайму намесніку дасканала пракантраляваць правядзенне праверкі законнасці дзеянняў адносна асуджаных папраўчай калоніі № 5 (Брэсцкая вобласць),паведамілі ў Генпракуратуры.
У ведамстве растлумачылі, што генпракурор даў распараджэнне ў сувязі з інфармацыяй, якая з’явілася ў інтэрнэце, аб збіванні асуджаных, якія адбываюць пакаранне ў папраўчай калоніі нумар 5. Праверка праводзіцца пракуратурай Брэсцкай вобласці.