Нацбанк павысіў працэнтныя стаўкі па аперацыях рэгулявання ліквіднасці
Камітэтам па манетарнай палітыцы Нацыянальнага банка прынята рашэнне аб павышэнні з 14 верасня 2011 года працэнтных ставак па аперацыях рэгулявання ліквіднасці.
Як паведамілі ў Нацбанку, працэнтныя стаўкі па пастаянна даступных аперацыях падтрымкі ліквіднасці павялічаныя да 40% гадавых, па пастаянна даступных аперацыях вымання ліквіднасці — да 20% гадавых.
«Павышэнне працэнтных ставак па аперацыях рэгулявання ліквіднасці ажыццяўляецца адначасова з павелічэннем стаўкі рэфінансавання, што ўзмоцніць уздзеянне працэнтнай палітыкі на эканоміку з мэтай фарміравання зберажэнняў у беларускіх рублях і стабілізацыі валютнага рынку», — падкрэслілі ў Нацбанку.