Беларусь паабяцала не дэмпінгаваць на расійскім малочным рынку

Беларусь абавязваецца не зніжаць рэкамендуемыя базавыя цэны на малочныя прадукты для расійскага рынку да канца 2012 года.

«Мы разумеем, што для выбудоўвання адзінага, стабільнага малочнага рынку ва ўмовах Мытнага саюза неабходна дамаўляцца з усімі краінамі-ўдзельніцамі, улічваць іх асаблівасці і патрэбнасці, — цытуе прэс-служба міністра сельскай гаспадаркі і харчавання Беларусі Міхаіла Русага. — Таму, калі ў Міністэрства сельскай гаспадаркі і харчавання Беларусі з Міністэрства сельскай гаспадаркі Расіі паступіў зварот ад Нацыянальнага саюза вытворцаў малака аб неабходнасці карэкціроўкі рэкамендуемых цэн на малочныя прадукты для расійскага рынку і прагнозу попыту і прапановы Саюзнай дзяржавы на малако і малакапрадукты на 2012 год у мэтах стабілізацыі на малочным рынку Расіі, мы правялі шэраг кансультацый паміж нашымі міністэрствамі і прыйшлі да такіх рашэнняў».

Па выніках кансультацый, у адпаведнасці з балансамі на малако і малакапрадукты, вырашана таксама з пачатку другога квартала гэтага года прыпыніць пастаўкі цэльнага сухога малака і сухой малочнай сыроваткі з Беларусі ў Расію. Пастаўкі павінны быць адноўлены па ўзаемнай згодзе бакоў.

Апрача таго, прадстаўнікі двух міністэрстваў дамовіліся раз у два тыдні ў фармаце відэаканферэнцый сумесна з «Саюзмалако» ўзгадняць рэкамендуемыя базавыя цэны для расійскага рынку, а таксама прадстаўляць вынікі маніторынгу выканання прагнозу попыту і прапановы Саюзнай дзяржавы на малако і малочныя прадукты на 2012 год і выканання базавых цэн.

У выпадку неабходнасці будуць прымацца адпаведныя меры і па іншых таварных прадуктах, асабліва па сметанковым масле.

Па дамоўленасці расійскі бок унясе прапановы ў Еўразійскую эканамічную камісію па тарыфнай абароне асобных відаў малочнай прадукцыі.

Каментары да артыкула