Чарговы кандыдат Крамля прайграў выбары ў Паўднёвай Асеціі
У другі тур выбараў прайшоў былы кіраўнік КДБ тэрыторыі Тыбілаў і амбудсмэн Санакоеў. Апошні, дарэчы, вёў сваю выбарчую кампанію выключна па-асяцінску. Пасол Асеціі ў Расіі Мядоеў, які лічыўся на гэтых выбарах кандыдатам Крамля, заняў трэцяе месца.
Пераможцу першых выбараў Алу Джыоеву да перавыбараў не дапусцілі, як і трэнера расійскай зборнай па барацьбе, ураджэнца Асеціі Тэдэева.