Сёння ў Мінску пройдзе асвячэнне новай каталіцкай капліцы
Урачыстасць асвячэння капліцы Маці Божай Шкаплернай (парафія Божага Цела) адбудзецца 3 ліпеня і распачнецца літургіяй а 15-й гадзіне.
Святую Імшу ўзначаліць Мітрапаліт Мінска-Магілёўскі арцыбіскуп Тадэвуш Кандрусевіч. Капліца знаходзіцца па вул. Герасіменкі, 8 (каля г/к «Алмаз»).
Парафія Божага Цела была зарэгістравана 18 студзеня 2007 г. Спачатку вернікі збіраліся на малітву ў прыватных памяшканнях, а пасля (з павелічэннем колькасці парафіянаў) — у актавай зале ЖЭСа № 74.