У Іране — востры валютны крызіс
У краіне ўводзяцца тры курсы абмену мясцовага рыала на даляр.
Іран ўводзіць абмежаванні на канвертацыю з прычыны недахопу ў краіне замежнай валюты, паведамляе Reuters.
Для куплі тавараў першай неабходнасці банкі будуць прадаваць $ 1 за 12260 рыалаў, для куплі сродкаў вытворчасці і прамежкавых тавараў - за 15000. Ва ўсіх астатніх выпадках іранцам прыйдзецца заплаціць 19000 за $ 1.
За апошні год курс іранскага рыала знізіўся больш чым на 50%. Эксперты кажуць, што гэта звязана з санкцыямі, уведзенымі ЗША і Еўрасаюзам за развіццё Іранам сваёй ядзернай праграмы.
У пачатку ліпеня паведамлялася, што здабыча нафты, якая з'яўляецца асноўнай крыніцай даходаў Ірана, знізілася да мінімуму за 20 гадоў.