Міліцыя — актывістцы БХД: «Хочам прапанаваць вам паслугі аховы»
26 верасня на кватэру да Вольгі Кавальковай спрабавалі патрапіць міліцыянты.
Жанчына не адамкнула дзверы. А яны не сталі казаць сапраўдную прычыну прыходу. «Пачалі прыдумваць, што хацелі б прапанаваць мне паслугі аховы кватэры. Але я патэлафанавала сяброўкам з нашага дома, і да іх не прыходзілі з такой прапановай». Міліцыянты яшчэ гадзіны паўтары дзяжурылі ў яе пад домам, а затым з’ехалі.
Вольга не выключае, што такі прыход быў звязаны з яе заявамі ў ЦВК і пракуратуру наконт факта фальсіфікацыі на 594 участку Усходняй выбарчай акругі Мінска.