Памёр апошні носьбіт старажытнага шатландскага дыялекту
У Шатландыі памёр апошні носьбіт старажытнага шатландскага дыялекту. На гэтым дыялекце на паўночным усходзе краіны гаманілі рыбаловы Кромарці.
Ён моцна адрозніваўся ад гэтак званага горнага дыялекту і гэльскай мовы, на якіх размаўляюць у суседніх раёнах.
Бобі Хог, які памёр у мінулыя выходныя, размаўляў на старажытным дыялекце са сваім братам, які памёр летась.
Лінгвісты адзначаюць, што гэта першы выпадак у найноўшай гісторыі, калі старажытны шатландскі дыялект знікае са смерцю яго носьбіта.