Kazulin zbližajecca ź «dziasiatkaj»
Na pasiedžańni «demakratyčnaj dziasiatki» 8 červienia razhladalisia pytańni padrychtoŭki da Kanhresu demakratyčnych siłaŭ.
Spamiž techničnych prablemaŭ lidery «dziasiatki» nie abminuli ŭvahaj zvaroty lidera sacyjał-demakrataŭ Alaksandra Kazulina j eks-ministra Vasila Lavonava, što nie ŭvachodziać u kaalicyju. Adkaz vyrašyli padrychtavać ciaham tydnia. Kiraŭnik PKB Siarhiej Kalakin padčas abmierkavańnia zaznačyŭ, što ŭ abodvuch zvarotach jość momanty, vartyja abmierkavańnia: «Varta padtrymać prapanavanyja Kazulinym masavyja vuličnyja akcyi. Ale jość i toje, na što my nijak nia možam pajści: Kazulin prapanuje razburyć ciapierašniuju kaalicyju j stvaryć novuju na bazie jahonaj partyi, BNF, AHP i PKB».
Dyskusija ŭźnikła pry abmierkavańni stratehii dziejnaści kaalicyi. Lider AHP Anatol Labiedźka prapanoŭvaŭ uvahu skiravać nie na Kanhres, a na «pracu ź ludźmi»: «Lepiej puścić hrošy na padrychtoŭku referendumu pra pierajmienavańnie mienskich vulicaŭ». Na što pačuŭ adkaz Kalakina: adno druhomu nie zaminaje, ahitavać za pierajmienavańnie mohuć i achvotniki. «Hałoŭnaje siońnia — aktyvizavać dziejnaść svaich strukturaŭ. Kali my nia možam vyvieści na akcyju nakont vulicaŭ navat 300 čałaviek, dyk słušna kažuć AMONaŭcy: vy nia siła, my budziem z narodam, jakomu naplavać na vašyja idei», — kanstatavaŭ lider kamunistaŭ.