Naviny ścisła
Pałova biełarusaŭ — za Eŭropu
47,4% žycharoŭ Biełarusi — za dałučeńnie krainy da Eŭraźviazu. Heta źviestki sacapytańnia Niezaležnaha instytutu sacyjalna-ekanamičnych i palityčnych daśledavańniaŭ, jaki adnaviŭ svaju dziejnaść, zarehistravaŭšysia ŭ Litvie. Pavodle jaho, palityku prezydenta padtrymlivaje 37,8% biełarusaŭ. 49% biełarusaŭ ličać, što vybary-2006 buduć spraviadlivymi.
Zaprudzki — staršynia MAB
Novym staršyniom Mižnarodnaj asacyjacyi biełarusistaŭ abrany filolah Siarhiej Zaprudzki. Takoje rašeńnie pryniaŭ IV Kanhres biełarusistaŭ, što prajšoŭ 7—8 červienia ŭ Miensku.
Žuraŭkovu pamiłavali
Eks-zahadčyca spraŭ prezydenta Halina Žuraŭkova, asudžanaja na čatyry hady pazbaŭleńnia voli za złoŭžyvańnie słužbovym stanoviščam, pamiłavana ŭkazam prezydenta. Heta śćviardžaje «Biełorusskaja diełovaja hazieta», spasyłajučysia na infarmacyju z pravaachoŭnych orhanaŭ. U pres-słužbie prezydenta admaŭlajucca ad kamentaroŭ.
«Olsa» ŭ Švecyi
5 červienia ŭ Stakholmie ź vialikim pośpiecham vystupiŭ hurt «Stary Olsa». Impreza prachodziła ŭ starym mieście ŭ prestyžnaj zali Karaleŭskaha numizmatyčnaha muzeju. Kancert adbyŭsia ŭ ramkach mižnarodnaha festu «Rańniaja muzyka». Arhanizataram pajezdki ŭ Švecyju ź biełaruskaha boku było ZBS «Baćkaŭščyna», sa švedzkaha — pradjusar Peter Pontŭik, dzied jakoha kaliści emihravaŭ z Horadni. Bolšaść hledačoŭ składali švedy, što ŭpieršyniu daviedalisia pra bahatuju biełaruskuju muzyčnuju tradycyju VKŁ.
Ciažkija dni «Ekamedservisu»
Ministerstva achovy zdaroŭja anulavała licenziju na medycynskuju dziejnaść sumiesnaha biełaruska-amerykanskaha pradpryjemstva «Ekamedservis-Invest». Padstava — «hrubaje parušeńnie licenzavanych patrabavańniaŭ i ŭmovaŭ ažyćciaŭleńnia medycynskaj dziejnaści», vyjaŭlenych pravierkaj dziaržkantrolu. Kiraŭnictva medcentru abskardzić rašeńnie ministerstva ŭ sudzie, miarkujučy, što ŭžytyja zachady vielmi suvoryja.
Biełaruski festyval u Irkucku
U Irkucku z 5 da 11 červienia prachodziać Dni biełaruskaj kultury, što ładzić Tavarystva biełaruskaj kultury imia Čerskaha. U prahramie — viečaryny i spektakli.
AH, AK; afn.by, belapan.com, svaboda.org