Nasupierak prysudu losu
Śpiavak, kampazytar i šoŭmen Bobi Daryn stavić miu'zykł pra svajo žyćcio. Muzyčnyja numary, dziacinstva, uspaminy śplatajucca ŭ dramu j pieśni na zachadzie j dośvitku niadoŭhaha žyćcia muzyki.
Kevin Spejsi čarhovy raz vystupiŭ i jak vykanaŭca hałoŭnaj roli, i jak režyser. Karcina atrymałasia vyvieranaj, taktoŭnaj, stylnaj, choć i krychu raściahnutaj.
Vandroŭki z uspaminaŭ u sučasnaść, pierachody da muzyčnych numaroŭ dazvalajuć pakazvać nia tolki vonkavyja padziei ŭ žyćci hieroja, ale j jahony ŭnutrany śviet, a dzicia, jakoje kamentuje siužet i źjaŭlajecca ŭ kadry razam z darosłym muzykam, — chacia j nia samaja novaja, ale dziejsnaja vynachodka.
Žyćcio Bobi Daryna, jaki kankuravaŭ z samim Synatram i staŭsia aŭtaram hitoŭ (siarod ich «Mack the Knife»), było nasyčanaje. Lekary pradkazali, što chvory na serca Bobi Daryn nie pražyvie j da 15 hod, ale Daryn vyžyŭ — i da svaich 37, kali jon pamior, zrabiŭ bliskučuju karjeru. Siamiejnyja abstaviny dla śpievaka taksama nie zaŭždy byli prostymi: jahonaja žonka Sandra Dzi (Kejt Bosŭort) była čałaviekam tvorčym — a dvum mastakam pad adnym dacham nie byvaje lohka. Akramia taho, Daryn naprykancy žyćcia daviedaŭsia, što jaho starejšaja siastra — nasamreč jahonaja maci.
Ale hetyja abstaviny nie pieratvarajuć karcinu ŭ ślaźlivuju meladramu — Kevin Spejsi zasiarodžvajecca na tvorčaści, na podychu, na nadziei — i, chacia film «La mora» nie stanovicca ekzystencyjnym varyjantam mjuzykłu «Ŭvieś hety džaz», pieśni na dośvitku j zachadzie žyćcia na hledača dziejničajuć.
Karcina naminavałasia na premii za najlepšy saŭndtrek i jak najlepšy mjuzykł, u Miensku jana demanstravałasia ŭ kinafarmacie «4ch4», a ciapier praciahvaje iści ŭ kinateatrach.
«La mora» («Beyond the Sea»)
ZŠA—Vialikabrytanija—Niamieččyna, 2004, kalarovy, 121 chv.
Žanr: Bijahrafičny muzyčny film.
Adznaka: 6 (z 10).