Naviny sportu
Maks — zavajoŭnik Paryžu
Maksim Mirny i šved Jonas Bjorkman vyjhrali Adkryty čempijanat Francyi pa tenisie ŭ parnym razradzie. U finale jany pieramahli bratoŭ Majka i Boba Brajanaŭ. Dla biełarusa heta pieršaja pieramoha na «Ralan Haros» i piataja na turnirach «Vialikaha Šlemu». U 2000 h. Mirny pieramoh na US Open u pary ź Lejtanam Hjuitam (Aŭstralija), u 2002 h. tamsama ź indyjcam Machiešam Bchupaci, a ŭ 1998 i 2000 h. na Ŭimbełdanie i US Open u mikście ŭ pary z Serenaj Uiljamz. Paryski pośpiech dazvoliŭ duetu Mirny/Bjorkman uźniacca na pieršaje miesca ŭ rejtynhu parnych tenisistaŭ.
Łatyšy pratestujuć
Pradstaŭnik futbolnaj federacyi Łatvii Krysvanis Kłavins vystupiŭ z zajavaj, što padčas praviadzieńnia futbolnych matčaŭ moładzievych i nacyjanalnych zbornych Rasieja—Łatvija zaŭziataram-łatyšam pahražali rasiejskija zaŭziatary. Taksama Kłavins abvinavaciŭ rasiejcaŭ u źniavažlivych lozunhach. «Nas nazyvali fašystami i nieprystojna vykazvalisia na adras Łatvii», — kaža futbolny čynoŭnik. U palitkarektnaj Eŭropie za takija ksenafobskija lozunhi štrafujuć albo zbornyja, albo stadyjony.
Hulajem za «Źlinam»
Vyznačyŭsia supiernik «Niomanu» ŭ pieršym raŭndzie Kubku Intertota UEFA. Haradziency zhulajuć z českim «Źlinam», što finišavaŭ 10-m u svaim čempijanacie. Pieršy matč — 19 červienia (niadziela) na mienskim stadyjonie «Tarpeda». Pačatak a 18-j. Hulnia ŭ adkaz — 25 červienia. Cikava, što ŭ pieršaj lizie biełaruskaha čempijanatu taksama hulaje ŹLIN.
Tolki rasšyfroŭvajecca jon jak i adnajmienny zavod-sponsar — Zavod lićcia i narmalaŭ.
AR, pressball.by, atptennis.com