Biełarus — hienij inšaformy
Filozaf Aleś Ancipienka źmiaściŭ na sajcie «Naša dumka» «Zaciemki na palach biełaruskaj mentalnaści». Voś niekatoryja z nazirańniaŭ.
«Biełarus baicca dumać nie tamu, što nia ŭmieje, a tamu, što aścierahajecca vykryć samoha siabie.
Biełarus — hienij inšaformy. Pierakinucca ŭ vaŭkałaka jamu jak abaranak źjeści.
Biełarus, adnak, redka lubić kazać praŭdu, bo zazvyčaj pra jaje pytajucca ŭ jaho roznyja prychadni.
Les dla biełarusa — rodny baćka.
Chata dla jaho — časovaje žytło.
Standartnaha, ci kalanijalnaha, biełarusa lohka paznać pa tym, što na «Opel» ci «Pežo» jon kaža «inšamarka», a na «Maskvič» — «avtomobil otiečiestviennoho proizvodstva».
Uvohule ž, standartnaha biełarusa ciažka pakryŭdzić. Kryŭdlivyja siarod ich — tolki mianty».
Zakančvajecca ž usio aptymistyčnym vykazvańniem: «Pokul ža — pra biełarusa što ni skažy, usio budzie niapraŭdaj».