Sprava ab avaryi pad Hrodnam, u jakoj zahinuła studentka, nakiravanaja ŭ sud
Taksama ŭ bližejšy čas u sud nakirujuć inšuju rezanansnuju spravu.
U avaryi pad Hrodna 28 červienia zahinuła studentka, 6 čałaviek paciarpieli. Fota Tutgrodno.com.
5 kastryčnika ŭ Hrodnie maładyja ludzi zładzili honki. Na vulicy Volhi Sołamavaj jany naśmierć źbili žančynu. Fota Gaigrodno.by.
Śledčy kamitet nakiravaŭ u sud spravu ab avaryi, jakaja zdaryłasia 28 červienia 2012 hoda pad Hrodna, paviedamlaje Tutgrodno.com.
Nahadajem, što ŭ toj dzień hrupa pieršakurśnikaŭ z Hrodna pajechała adznačać zakančeńnie siesii za horad. Na troch mašynach jany sprabavali abhaniać adzin adnaho. Na moście praz raku Łasasianka kiroŭca «Opiel Korsa» nie spraviŭsia z kiravańniem zi začapiŭ sustrečnuju mašynu «Reno». Zatym aŭto pierakuliłasia na dach i sutyknułasia ź jašče adnoj mašynaj «Reno». U Opieli zahinuła 18-hadovaja dziaŭčyna. Šaściarych čałaviek miedyki dastavili ŭ balnicu, čaćviarych ź ich u reanimacyju. Staž kiroŭcy «Opiela» na momant ździajśnieńnia DTZ składaŭ mienš za miesiac. Jamu pahražaje da 5 hadoŭ turmy.
Va Upraŭleńni Śledčaha Kamiteta Tutgrodno.com paviedamili taksama, što ŭ bližejšy čas u sud nakirujuć jašče adnu našumiełuju kryminalnuju spravu pa fakcie inšaha DTZ. U pačatku kastryčnika dva maładych čałavieka naładzili honki pa vulicy Volhi Sołamavaj. Na piešachodnym pierachodzie jany źbili žančynu. Spačatku na piešachoda najechaŭ Volkswagen. Ad udaru žančyna pralacieła 30 mietraŭ i trapiła pad koły BMW. Ad atrymanych traŭmaŭ jana pamierła na miescy. U chodzie śledčaha ekśpierymientu vyśvietlena, što pa ŭsioj strohaści zakona pryjdziecca adkazvać kiroŭcu pieršaj mašyny. Kiroŭca BMW pryciahnuty da administracyjnaj adkaznaści.