Šapira padaryŭ hierojam-vyratavalnikam z Hrodna noŭtbuki
Pavał Januškievič zastajecca ŭ balnicy.
Pavieł Januškievič, jaki, ratujučy dziaciej, paciarpieŭ najbolš, i jahonaja žonka Iryna akurat čakajuć dzicia.
21-hadovamu Paŭłu Januškieviču daviadziecca sustrakać Novy hod u balnicy: jašče miesiac budzie zastavacca pad nazirańniem daktaroŭ. Chłopca ŭžo pieraviali z reanimacyi ŭ adździaleńnie. Naviednikaŭ da jaho nie puskajuć — tolki rodnych. Pa słovach žonki Iryny,
Pavieł siabie adčuvaje značna lepš, čym ŭ pieršyja dni paśla zdareńnia.
Stanisłaŭ Končyk. |
Druhi vyratavalnik, što paciarpieŭ pry likvidacyi nastupstvaŭ praryvu trubaprovadu, atrymaŭ značna mienšyja apioki.
Navahodnija śviaty 22-hadovy Stanisłaŭ Končyk sustrenie ŭžo doma, a nie ŭ balničnaj pałacie.
Paŭła i Stanisłava pradstaviać da dziaržaŭnych uznaharodaŭ. A staršynia Hrodzienskaha abłvykankama Siamion Šapira naviedaŭ vyratavalnikaŭ u balnicyi i padaryŭ im noŭtbuki.
Inšyja vyratavalniki, što brali ŭdzieł u likvidacyi toj avaryi, atrymali hramaty i listy z padziakami.
Stała viadoma, nakolki vialikimi byli nastupstvy praryvu trubaprovadu aciapleńnia 18 śniežnia. Praz toje, što prarvała ŭ adnym domie,
bieź ciapła zastalisia 21 389 (!) kvater, a heta dźvie traciny trochsottysiačnaha Hrodna.
Adanosna pryčyn avaryi jašče viadziecca pravierka.