Pucin praciahvaje ckavać Navalnaha
Apazicyjanier Alaksiej Navalny adkidaje ŭsie abvinavačańni ŭ finansavych machinacyjach, pradjaŭlenyja jamu rasijskim Śledčym kamitetam, i zajaŭlaje pra toje, što nie budzie sprabavać pakinuć Rasiju, ratujučysia ad suda i mahčymaha źniavoleńnia.
Napiaredadni sud vynies pieršy prysud pa spravie «Kiraŭlesa», pa jakoj taksama abvinavačvajecca Navalny, a SKR zavioŭ suprać jaho jašče adnu kryminalnuju spravu.
Kiraŭski rajonny sud prysudziŭ da čatyroch hadoŭ pazbaŭleńnia voli ŭmoŭna byłoha hiendyrektara «Kiraŭlesa» Viačasłava Apalova, jaki, nibyta padaŭšysia na ŭhavory Navalnaha, pradaŭ les pa zanižanym košcie.
jakaja, pa viersii viedamstva, datyčnaja da kradziažu kala 100 młn rubloŭ (3,2 młn dalaraŭ) u palityčnaj partyi «Sajuz pravych sił» — choć u samoj partyi admaŭlajuć źniknieńnie jakich by tam ni było srodkaŭ.U toj ža dzień stała viadoma, što SKR raspačaŭ jašče adnu kryminalnuju spravu suprać kampanii Navalnaha,
Akramia taho, na minułym tydni SKR pradjaviŭ bratam Alehu i Alaksieju Navalnym abvinavačvańni ŭ kradziažy 55 miljonaŭ rubloŭ (1,8 młn dalaraŭ) srodkaŭ handlovaj kampanii.
Kamientujučy hetyja abvinavačvańni ŭ efiry telekanała «Dožd́», Navalny zajaviŭ, što Śledčy kamitet zajmajecca fabrykacyjaj kryminalnych spraŭ suprać jaho.
«Zaŭtra jany skažuć, što ja skraŭ słanoŭ z Maskoŭskaha zaaparka», — iranizuje apazicyjanier, abiacajučy i dalej praciahvać svaje antykarupcyjnyja rasśledavańni.
«Rośpił» praciahnie svaju dziejnaść pa kantroli karupcyi ŭ dziaržzakazie, ja budu praciahvać arhanizoŭvać masavyja akcyi, my abskardzim vypadki falsifikacyi. I pasprabuju heta rabić bolš efiektyŭna», — zajaŭlaje Navalny.