«Vitalur» adkryje sietku siamiejnych kaviarniaŭ Greenki — foty

Pieršyja dźvie kaviarni źjaviacca ŭ spalnych rajonach Minska ŭ studzieni.

Kampanija «Vitalur» pašyraje śfieru dziejnaści. Aproč roźničnaha handlu i pierapracoŭki ryby, vyrašana zaniacca hramadskim charčavańniem.

Siamiejnyja kaviarni buduć pracavać pad brendam Greenki. «Śpiarša aŭtary prajektu vynošvali nazvu „Zialonyja čałaviečki“. Jana padabałasia dzieciam, da taho ž była dumka stvaryć cacki ŭ vyhladzie śmiešnych marsijan. Paśla pačali impravizavać na temu „green — zialony“, i heta ŭ niejkim momant pryviało da słova Greenki — hrynki, jany ž hrenki», — tłumačać u kampanii.

Firmovym koleram abrany łajm.

U siaredzinie studzienia pieršyja dźvie kaviarni Greenki adčyniacca ŭ novych minskich supiermarkietach «Vitalura» — na Žynoviča, 7 i Rafijeva, 56 (skryžavańnie ź Bialeckaha).

Dla małych dziaciej u ich budzie praduhledžany pakoj z łabiryntam i inšymi zabaŭkami.

***

«Vitalur» — sietka z 26 kramaŭ. Pa adnym pracuje ŭ Babrujsku, Barysavie i Lidzie. Astatnija znachodziacca ŭ Minsku.

Ułaśnik, vypusknik univiersiteta fizkultury Alaksandr Jacuk, pačynaŭ ź niekalkich paviljonaŭ z rybaj. Patrochi biznes razrastaŭsia. U siaredzinie 2000-ch jon ledź nie byŭ źniščany: Jacuk zadraŭsia z kiraŭnicaj spravami prezidenta Halinaj Žuraŭkovaj za prybytkovy rynak ryby. Ułaśnika «Vitalura» vinavacili ŭ niaspłacie mytaŭ — jon nibyta zahadaŭ aformić 60 tysiač ton kurynaha file jak kurynyja hrudki.

U vyniku Jacuk, jaki pravioŭ u SIZA hod, byŭ asudžany na 1 hod i 10 miesiacaŭ abmiežavańnia voli. Z ulikam amnistyi byŭ vyzvaleny ŭ zale suda. Jaho prysud byŭ nazvany pravaabaroncami parušeńniem pravoŭ čałavieka.

Kamientary da artykuła