Minsielhas Rasii nastojvaje na vykanańni damoŭlenaściaŭ z boku Biełarusi pry pastaŭkach charčavańnia
Rasija i Biełaruś u lutym pavinny ŭzhadnić prahnozny bałans popytu i prapanovy pa asnoŭnych vidach sielhaspradukcyi na 2013 hod, paviedamiŭ namieśnik ministra sielskaj haspadarki RF Illa Šastakoŭ.
Pracedura abiacaje być niaprostaj: rasijski bok zaniepakojeny značnym pieravyšeńniem uzhodnienaha abjomu pastavak z krainy, a Minsk prosić pavialičyć dla jaje abjomy ŭvozu ŭ Rasiju, pryvodzić słovy Šastakova ahienctva Prajm.
Minsielhas Rasii hatovy ŭ čymści pajści nasustrač, adnak nastojvaje na vykanańni damoŭlenaściaŭ z boku«Našu zaniepakojenaść vyklikaje istotnaje pieravyšeńnie ŭzhodnienych abjomaŭ pastavak małočnaj i miasnoj pradukcyi ź Biełarusi», — zajaviŭ pradstaŭnik Minsielhasa.krainy-partniora , adznačyŭ Šastakoŭ.
Na minułym tydni ŭ Maskvie prajšła sustreča ministra sielskaj haspadarki Rasii Mikałaja Fiodarava ź ministram sielskaj haspadarki i charčavańnia Biełarusi Leanidam Zajcam. Baki abmierkavali pierśpiektyvy ŭzajemnaha handlu, a taksama prablemnyja pytańni, źviazanyja z hetym.
U pryvatnaści, pry vyznačanym na 2012 hod abjomie ŭvozu małočnaj pradukcyi 3,7 młn. ton (u pieraliku na małako) faktyčny abjom pastavak składzie, zhodna z prahnozam Minsielhasa RF, 4,1 młn. ton, da taho ž nazirajecca «častkovy dempinh».
Pastaŭki suchoha naturalnaha małaka zamiest uzhodnienych 14 tys. ton sioleta skłali 26 tys. ton. «My taksama zavastryli ŭvahu biełaruskich kaleh na šmatrazovym pieravyšeńni ŭzhodnienych abjomaŭ pastavak suchoj małočnaj syrovatki: uzhodniena 14 tysiač ton, ciapier užo pastaŭlena 72 tys. Jany na sustrečy paabiacali, što hetuju situacyju voźmuć pad asablivy kantrol i dalej buduć pastaŭlać vyklučna ŭ ramkach uzhodnienych abjomaŭ», — skazaŭ Šastakoŭ.
Jon taksama adznačyŭ, što sistema trejdaraŭ, isnujučaja ŭ handli małočnaj pradukcyjaj pamiž Rasijaj i Biełaruśsiu, nieprazrystaja, i heta źjaŭlajecca adnoj z asnoŭnych prablem. «Jość prykłady taho, što małočnaja syrovatka, pakolki tańniejšaja, padmiešvajecca da suchoha małaka, to bok pastaŭlajecca pad vyhladam suchoha małaka. A heta niespraviadlivaja kankurencyja», — padkreśliŭ surazmoŭca.
Abjom uvozu miasa ptuški pieravyšaje ŭzhodnieny abjom u šeść razoŭ, śvininy — u 2,5 razu, u značnym abjomie ŭvoziacca miasapradukty. Pry hetym rasijski bok sumniavajecca, što ŭsio miasa, jakoje ŭvozicca z krainy, maje biełaruskaje pachodžańnie.Minsielhas RF taksama adznačaje, što pastaŭki miasa pry ŭzhodnienym abjomie 170 tys. užo skłali 332 tys. ton.
«Z adnaho boku, Biełaruś prosić pavialičyć im impartnyja kvoty na pastaŭki miasa z trecich krain.Z druhoha boku, my bačym, što hetaje miasa abo šlacham zamiaščeńnia, abo tranzitam idzie da nas. I my čuli zajavy nieaficyjnych asob, što im heta vielmi vyhadna», — zajaviŭ Šastakoŭ.
I kali adnosna pastavak małaka biełaruski bok užo zajaviŭ pra hatoŭnaść razabracca ź situacyjaj, to adnosna impartu miasa tolki pryniaŭ infarmacyju da viedama. «Biełaruski bok spasyłajecca na toje, što dola jaho pastavak u ahulnym abjomie impartu miasnoj pradukcyi RF nie takaja značnaja», — patłumačyŭ čynoŭnik. Rasijski ž bok ličyć takoje staŭleńnie nie vielmi partniorskim. «Kali našy kalehi nie zrobiać zachady, tady my budziem stavić pytańnie ab skaračeńni impartnych kvot na pastaŭku miasa dla Biełarusi. Impartnaja kvota nieabchodnaja dla taho, kab papaŭniać deficyt, a nie kab hetaje miasa pierapraŭlać u RF», — zajaviŭ jon.
Usie prablemnyja pytańni ahrarnyja ministerstvy dźviuch krain vyrašyli abmierkavać na sumiesnaj kalehii.«Papiarednie damovilisia pravieści jaje ŭ lutym u Biełarusi. Na hetaj kalehii my taksama budziem uzhadniać bałans», — paviedamiŭ Šastakoŭ.
Pavodle jaho słoŭ, Minsk prapanoŭvaje na nastupny hod pavialičyć dla Biełarusi abjomy pastavak miasa i małaka ŭ Rasiju: pryčym, pavialičyć nie prosta adnosna ŭzhodnienych na 2012 hod abjomaŭ, a faktyčnych abjomaŭ pastavak, i na «dziasiatki pracentaŭ». «Ale tut budziem adstojvać pazicyju rasijskich vytvorcaŭ. My nie suprać pavieličeńnia pastavak, ale,