Parłamient Japonii zaćvierdziŭ novaha premjera

Nižni parłamient Japonii zaćvierdziŭ na pasadzie prem'jer-ministra kansiervatara Sindza Abe. 58-hadovy kiraŭnik Libieralna-demakratyčnaj partyi, jaki ŭ 2006–2007 hadach užo ŭznačalvaŭ urad, abiacaŭ skarystacca druhim šancam i vyvieści treciuju ekanomiku śvietu z zaciažnoha kryzisu.

Abe stanovicca siomym pa liku prem'jer-ministram Japonii za šeść hadoŭ.

Urad prem'jer-ministra Japonii Jesichika Nody raniej u poŭnym składzie syšoŭ u adstaŭku, kab parłamient moh aficyjna prahałasavać za pryznačeńnie novym premjeram kansiervatara Sindza Abe.

58-hadovy Abe, viadomy svajoj nacyjanalistyčnaj rytorykaj, pryvioŭ svaju kansiervatyŭnuju Libieralna-demakratyčnuju partyju da pieramohi na vybarach 16 śniežnia. Da hetaha partyja try hady była ŭ apazicyi.

Na palityčnym paradku dnia Abe — naładžvańnie adnosin z susiednim Kitajem i sproba vyvieści Japoniju sa šmathadovaj deflacyi.

Adnosiny z Kitajem u apošni čas ŭskładnilisia z-za sprečki vakoł vyspaŭ u Uschodnie-Kitajskim mory.

Kamientary da artykuła