Kitaj zapuściŭ samuju doŭhuju chutkasnuju čyhunku
Samaja doŭhaja ŭ śviecie vysakachutkasnaja čyhunka była aficyjna zapuščana ŭ sieradu ŭ Kitai. Jana źviazała stalicu krainy Piekin z kamiercyjnym centram Huančžou.
Pieršy zvyšchutkasny ciahnik vyjechaŭ pa hetym maršrucie ź Piekina ŭ sieradu ranicaj.
Ciahniki buduć jeździć z chutkaściu 300 km/h, što bolš čym udvaja skarocić čas, za jaki možna dabracca z stalicy ŭ Huančžou — z 22 hadzin da mienš čym za dziesiać.
Na darozie daŭžynioj u amal 2,3 tys. km budzie 35 prypynkaŭ. Zaraz čyhunačnaja trasa pracuje častkova.
Adkryćcio trasy było prymierkavana da dnia naradžeńnia Mao Czeduna, paviedamili dziaržaŭnyja ŚMI krainy.
Kitajskija ŭłady apisvajuć darohu Piekin — Huančžou jak «adnu z samych technična pieradavych u śviecie». U svaju čarhu krytyki prajektu kažuć, što ŭ sistemie chutkasnych čyhunak isnuje karupcyja.
Sorak čałaviek zahinuli minułym letam pry sutyknieńni na linii zvyšchutkasnych prajezdaŭ ŭ pravincyi Čžeczian na ŭschodzie Kitaja.