«Karona-Techna» tańniejšaja za «Piaty elemient» i «Elektrasiłu»: padliki «NN»
a dzie kuplajecie techniku Vy?
Najlepšy padarunak — užo nie kniha. Da takoj vysnovy možna pryjści, ubačyŭšy pieradnavahodnija čerhi kala minskich kramaŭ techniki. Ladoŭni, pralnyja mašyny, ale pieradusim televizary — usio heta idzie na «ŭra». Ale ŭ jakoj kramie tavar tańniejšy?
«Naša Niva» paraŭnoŭvaje ceny ŭ asnoŭnych sietkach techniki («Piaty elemient», «Karona-Techna» i «Elektrasiła»), pieravioŭšy ich u dalary. Dla daviedki pryviadziom taksama canu ŭ internet-kramach.
Znajści madel, jakaja pradavałasia b adrazu va ŭsich sietkach, składana. Tym bolš što kramy nie dbajuć pra patencyjnych kupcoŭ — nivodnaja nie vyviešvaje na svoj sajt uciamnaha katałoha techniki z cenami.
Ale lidar bačny i na prykładzie advolna ŭziatych dziesiaci papularnych tavaraŭ.Siem razoŭ najmienšaja cana ŭ «Karonie-Techna», pa adnym razie — u «Piatym elemiencie» i «Elektrasile». U vypadku ž z pralnaj mašynaj «Atłant» — absalutnaja ničyja.
Roźnica pamiž samaj darahoj i samaj tannaj prapanovaj časam dasiahaje 50%! Na jeŭrapiejskim rynku takaja nacenka zrabiła b pradaŭca niekankurentazdolnym. U Biełarusi ž adbyvajecca inačaj. Sietki, pradstaŭlenyja ŭ drobnych haradach, nie majuć kankurencyi, tamu mohuć vystaŭlać advolnyja ceny.
U internecie ž cana jašče mienšaja, čym u «Karonie-Techna»! Čamu ž nie ŭsie biełarusy kuplajuć u Siecivie, kali tam tańniej? Usio vielmi prosta.Sietki dazvalajuć kuplać tavar, zapłaciŭšy svaimi hrašyma tolki 10% ad cany ci navat mienš. Na astatniuju sumu afarmlajecca kredyt. I choć realnaja staŭka składaje 35% hadavych i navat bolš, heta nie adšturchoŭvaje klijentaŭ — niejkuju častku kredytu źjaduć inflacyja z devalvacyjaj.
U niekatorych vypadkach možna atrymać navat biespracentnuju rasterminoŭku. Takuju prapanovu robić, naprykład, «Karona-Techna». Praŭda, u rasterminoŭku vydajecca nie ŭvieś tavar. Televizary ŭziać nie ŭdasca.
***
«Elektrasiła» — 17 kramaŭ (Minsk, Baranavičy, Barysaŭ, Brest, Viciebsk, Homiel, Hrodna, Mahiloŭ, Mazyr). Uładalnik — Andrej Chomič.
«Karona-Techna» — 5 kramaŭ (Minsk, Brest, Babrujsk, Viciebsk). Uładalnik — Pavieł Tapuzidzis.
«Piaty elemient» — 28 kramaŭ (Minsk, Baranavičy, Babrujsk, Barysaŭ, Brest, Viciebsk, Homiel, Hrodna, Žłobin, Lida, Mahiloŭ, Maładziečna, Navapołack, Orša, Pinsk, Połack, Salihorsk). Uładalnik — Andrej Bałabin.