Pałovu svajho zarobku Nadzieja Jermakova addaje na dabračynnaść
Pra heta staršynia praŭleńnia Nacbanka zajaviła siońnia ŭ čas pramoj telefonnaj linii i anłajn-kanfierencyi na sajcie BiełTA.
«Prykładna pałovu svajoj zarabotnaj płaty ja addaju na dabračynnaść. Maja zarpłata — kala $ 2 tys.», — skazała Nadzieja Jermakova.
Akramia taho, adkazvajučy na pytańnie z nahody Hoda bieražlivaści, staršynia praŭleńnia Nacyjanalnaha banka adznačyła: «Ja i zaraz ekanomlu. U pryncypie, bieražlivaść — heta toje, što my pavinny vychoŭvać u našych dzieciach z samaha dnia ich naradžeńnia». Jana dadała, što bieražlivaść — heta efiektyŭnaje vykarystańnie taho, što ty maješ. Taksama, na dumku Nadziei Jermakovaj, treba aściarožna stavicca i da svajho zdaroŭja.