Siamaška ŭ Maskvie, raźličvaje padpisać naftavy bałans u apošnija dni hoda

Biełaruskaja delehacyja na čale ź pieršym vice-premjeram Uładzimiram Siamaškam znachodzicca ŭ Maskvie, praciahvaje pieramovy z uradam RF pa naftavym bałansu na 2013 hod i raźličvaje padpisać jaho ŭ samy bližejšy čas, paviedamiŭ ahienctvu «Interfaks-Zachad» krynica ŭ profilnym viedamstvie.

Pakul niajasna, ci Rasija pahodzicca pastavić u Biełaruś 23 miljony ton syraviny, jak prosić Minsk, ci abmiažujecca 18 miljonami tonaŭ, jak prapanavała Minenerha Rasii. Maskva demanstravała žadańnie pakarać Minsk za maštabny biazmytny reekspart ŭ pieršym paŭhodździ 2012-ha rasiejskich naftapraduktaŭ pad vyhladam pradukcyi naftachimii. Aficyjnyja asoby RF u suviazi z hetym zajaŭlali pra pretenzii na $1,5 młrd u jakaści kampiensacyi. Alaksandr Łukašenka asabista dakazvaŭ, što Biełaruś pry hetym nie parušała nijakich damoŭlenaściej.

Pastaŭki nafty z Rasii na vyklučna lhotnych umovach faktyčna ŭjaŭlajuć saboj formu finansavańnia vasalnaha režymu ŭ Biełarusi, ad ich pamieru zaležyć suma resursaŭ, jakimi mohuć apieravać łukašenkaŭcy.

Kamientary da artykuła