U Kryčavie z haradskich jołak vykrali cacki
U Kryčavie ź dźviuch navahodnich jołak viečaram 27 śniežnia złamyśniki vykrali niekalki cacak i ŭstanoŭleny dla ich aśviatleńnia pražektar.
Jak paviedamili va ŭpraŭleńni Śledčaha kamiteta pa Mahiloŭskaj vobłaści, u kradziažy cacak ź siamimietrovych jołak, ustanoŭlenych na placoŭcy ŭ mikrarajonie Kamsamolskim, i pražektara padazrajucca dvoje žycharoŭ Słuckaha rajona Minskaj vobłaści i žychar Drahičyna Bresckaj vobłaści.
Jany byli kamandziravanyja na budaŭnictva novaj linii kryčaŭskaha cemientnaha zavoda.
Pavodle źviestak śledstva, pryjezdžyja budaŭniki viečaram vypili ŭ kafe, raźmieščanym niepadalok ad jołak, paśla čaho adzin ź ich zalez na jołku i źniaŭ niekalki cacak. Padazronych zaŭvažyŭ milicejski patrul, kali jany zdymali ciažki aśviatlalny pražektar, ustanoŭleny na dachu ciepłapunkta. Paźniej usich troch zatrymali. U dačynieńni da ich raspačata sprava na padstavie art. 205 KK (kradziež).