U rasijskaj Čycie zamierźli dvoje małych dzietak, jakich pakinuli na marozie baćki
Śledčy kamitet Rasii rasśleduje śmierć dvuch małych dziaciej u Čycie, jakich, jak miarkujecca, pakinuli na marozie baćki.
Cieły dvuch chłopčykaŭ čatyroch i piaci hadoŭ z prykmietami abmaražeńnia byli znojdzienyja ŭ pabudovach pryvatnaha doma ŭ Čycie. Siostry zahinułych — dziaŭčynki 2009 i 2011 hadoŭ naradžeńnia — byli špitalizavanyja z abmaražeńniami noh.
Pa viersii śledstva, hramadzianskija muž i žonka, jakija majuć čatyroch małych dziaciej, samamu małodšamu ź jakich ledź spoŭniŭsia adzin hod, pakinuli biez nahladu dziaciej u domie i pajšli pić».
Pa fakcie zaviedziena kryminalnyja spravy ab zabojstvie i zamachu na zabojstva. Pa dadzienych Rashidramieteacentra, zaraz nadvorje ŭ Čycie 19–34 hradusy nižej za nul.