U Minsku zadumali budaŭnictva pieršaha aŭtamabilnaha tunelu
ci patrebny jon, na Vašu dumku?
Jon moža źjavicca ŭ rajonie płoščy Bahuševiča.
Na płoščy Bahuševiča (skryžavańnie praśpiekta Dziaržynskaha i vulicy Kłary Cetkin) u Minsku ŭ pierśpiektyvie płanujecca pabudavać dvuchuzroŭnievuju raźviazku i aŭtamabilny tunel.Pra heta paviedamiŭ dyrektar «Minskmietroprajekt» Valer Čakanaŭ.
Budaŭnictva budzie źviazanaje z pracami na prajektavanaj stancyi mietro «Płošča Bahuševiča».
Dahetul haradskija ŭłady vykazvalisia nakont budaŭnictva troch tuneleŭ u Minsku. Jany zhadvalisia ŭ karektury hienieralnaha płana raźvićcia stalicy da 2030 hoda. Havorka viałasia pra nastupnyja prajekty:
pravieści darohu ad Akademičnaj da Surhanava pad praśpiektam Niezaležnaści; źviazać vulicy Žukoŭskaha (na skryžavańni z Mahiloŭskaj) z vulicaj Uljanaŭskaj (za Śviardłova). Samaj ambitnaj była ideja prakapać tunel praz centralnuju častku horada — ad vulicy Lenina (za skryžavańniem z Uljanaŭskaj) da praśpiekta Pieramožcaŭ (jahonaha skryžavańnia ź Niamihaj), kab razhruzić vulicu Lenina, jakaja nie nadajecca na pašyreńnie.