Zaklučnaja častka «Pryciemkaŭ» stała samym kasavym filmam hoda ŭ Minsku — $432 tysiačy
Nastupnyja — animacyjnyja «Ledavikovy pieryjad 4» i «Madahaskar 3».
Zaklučnaja častka vampirskaj pientałohii «Pryciemki» stała samaj kasavaj ŭ staličnym prakacie ŭ 2012 hodzie.
Jak paviedamiŭ hienieralny dyrektar UP «Kinavideaprakat» Vasil Koktyš,
kasavyja zbory stužki skłali 3,6 młrd. rubloŭ (kala $432 tysiač).Druhi i treci radok ź vialikim adstavańniem ad lidara zajmajuć animacyjnyja stužki «Ledavikovy pieryjad 4» (2,78 młrd.) i «Madahaskar 3» (2,5 młrd.). U top-10 najbolš kasavych karcin ŭvajšli taksama «Mściŭcy» (2,1 młrd. rubloŭ), «007. Kaardynaty «Skajfoł» »(2,08 młrd.), «Ludzi ŭ čornym 3» (1,7 młrd.), «Pramietej» (1,45 młrd.), «Šerłak Chołms. Hulnia cieniaŭ» (1,44 młrd.), «Novy čałaviek-pavuk» (1,4 młrd.) i «Krok napierad 4» (1,39 młrd.).
Pa słovach Vasila Koktyša, u 2012 hodzie kinateatry horada naviedali 5,3 młn. hledačoŭ, što na 170 tys. bolš, čym u 2011-m.