Jak charčujucca ispanskija studenty — raskazvaje student-biełarus z Małahi + foty

chto z Vas vučycca ŭ inšych krajach, napišycie nam anałahičnyja artykuły - jak Vy tam jaścio

Dla žycharoŭ haračaj Ispanii ježa — heta bolš, čym prosta ježa, heta ceły rytuał, na jaki kožny dzień zatračvajecca šmat času.

Piva ŭ ispanskaj stałoŭcy — absalutnaja narmalnaja reč.

Ahulny vyhlad stałoŭki.

Kafieteryj.

Kafieteryj.

Mieniu na siońnia.

Vyhlad zvonku. U Małazie zimoj ciopła, tamu mnohija studenty jaduć na terasie.

Druhaja strava siońnia.

Druhaja strava siońnia.

Desierty.

Sałaty na pieršaje.

Zahatoŭki buterbrodaŭ.

Zvyčajnaja čarha pa ježu.

Mikrachvaloŭkaj mohuć skarystacca ŭsie, chto prynosić ssabojki.

Ranak bolšaja častka ispanskich studentaŭ pačynaje z kavy, soku albo vielmi papularnaj tut kakavy z małakom. Pry hetym śniadanak byvaje dastatkova pozna, pamiž 10-j i 11-j hadzinami. Nielha abminuć tradycyju t.zv. «bakadzia», albo buterbrodaŭ. Razam z ranišnim napojem amal kožny zamaŭlaje duchmianuju i haračuju bułku z jakoj-niebudź tutejšaj viandlinaj. Kava, sok ci kakava kaštujuć 0,8–1 jeŭra, buterbrod — 1,15. Tutejšaja bufietčyca raskazała mnie, što za dzień pradajecca kala 200–300 «bakadzia».

Pamiž 13-j i 15-j hadzinami ŭ stałoŭcy pačynajuć davać abied. U jaho skład uvachodzić sałata, harnir ź miasam albo rybaj i desiert. Supy tut adsutničajuć. U pryncypie, ničoha asablivaha, adzinaje, što chaciełasia b padkreślić, — heta cana. Jak skazała mnie ŭsio taja ž bufietčyca, adzin miascovy kompleksny abied kaštuje 5 jeŭra, studenty ž płaciać 4,25. Reštu dapłačvaje ŭniviersitet.

Tut vielmi časta prynosiać ježu z saboj. Prosta na kalidory staić mikrachvaloŭka, i ŭ abiedziennyja hadziny tut źbirajecca dobraja čarha achvotnych padahreć «ssabojku». Jak kažuć, «usio dla ludziej». Taksama padabajecca tutejšaja kalektyŭnaść, kali siabry siadajuć razam i dzielacca adno z adnym tym, što prynieśli z domu.

Chaciełasia b taksama zhadać cikavy fakt. U stałoŭcy možna absalutna svabodna kupić piva. Butelka 0,33 miascovaj «Estrella» kaštuje 1,8 jeŭra. Prykładna stolki ž płaciać za piva ŭ bary ci na dyskatecy. Dla miascovych studentaŭ heta narmalna, i pjuć jany va ŭniviersitecie vielmi redka.

Ź niepryjemnaha chaciełasia b nazvać tolki voś što: studenty ŭ stałoŭcy nie prybirajuć za saboj. Heta adznačyła i bufietčyca, jakaja pracuje tut šmat hadoŭ. Čamu tak — ciažka skazać.

Stałoŭka tut adčynienaja z ranku da poźniaha viečaru. A tamu, kali stamiŭsia ci chočacca spać, rodnaja stałoŭka ciabie zaŭsiody pryhreje i atulić.

P. S. Kryzis u Ispanii adčuvajecca ŭ drobiazi. Praź dzień paśla napisańnia artykuła na dźviarach stałoŭki źjaviłasia kartka z nadpisam: «U suviazi z tym, što ŭniviersitet užo nie datuje abiedaŭ dla studentaŭ, abied kaštuje 5 jeŭra».

P. S. Siaredni miesiačny zarobak u Ispanii składaje kala 1800 jeŭra. Biespracoŭnyja atrymlivajuć kala 500 jeŭra dapamohi.

* * *

Chto z Vas vučycca ŭ inšych krajach, napišycie nam anałahičnyja artykuły — jak u Vas tam jaduć. Dasyłajcie na nn@nn.by, lepš razam z fotami.

Kamientary da artykuła