Alaksandr Vajtovič na svajo 75-hodździe: «Palityki niama, jość samaŭładździe»
5 studzienia
Jon naradziŭsia ŭ 1938 hodzie ŭ vioscy Račkievičy Kapylskaha rajona. Skončyŭ fizfak BDU (1960). Ad taho samaha hoda Vajtovič pracavaŭ u Instytucie fiziki Akademii navuk. U 1997 hodzie jaho abrali prezidentam Akademii navuk.
«Praciahvaju zajmacca svajoj prafiesijnaj dziejnaściu, — kaža sp. Vajtovič. — Atrymlivaju asałodu ad hetaha. Dziakuju losu, što maju takuju mahčymaść».«Štodnia chadžu ŭ Akademiju navuk na pracu. Zahadvaju nievialikaj łabaratoryjaj pry Instytuta malekularnaj i atamnaj fiziki, toj samaj, jakoj zahadvaŭ koliś. Nas, praŭda, mała zastałosia, šmat chto źjechaŭ za miažu. Pracuje ŭ łabaratoryi razam sa mnoj čatyry čałavieki».
U 2000 pa prapanovie Łukašenki Alaksandr Vajtovič staŭ śpikieram savieta respubliki, na hetaj pasadzie jon adbyŭ try hady. Paśla pierajšoŭ u apazicyi da ŭłady.
U 2006 sprabavaŭ udzielničać u prezidenckich vybarach, ale nie zdoleŭ sabrać nieabchodnaj kolkaści podpisaŭ.
«Uzrost užo nie toj, — kaža Alaksandr Paŭłavič, — kab dzieści biehać, palitykaj zajmacca. Dy i ja pahladzieŭ, što biezvynikova heta. Moža, ja bolš karyści pryniasu svajoj asnoŭnaj pracaj, a nie palityčnaj dziejnaści. Bo i palityki niama, jość tolki samaŭładździe».
Ci zastajecca čas, aproč pracy, jašče na niejkija chobi? «Jość zaniatak, ale pakul nie budu havaryć, chutka ŭsio sami daviedajeciesia».
Na pytańnie pra zdaroŭje Alaksandr Vajtovič adkazvaje:
«Pa pašparcie (śmiajecca). Chaciełasia b, kab było lepš».