U Homieli na budoŭli ŭpaŭ aŭtakran — fota

Paciarpiełych niama, pryčynaj padzieńnia aŭtakrana mahło pasłužyć parušeńnie praviłaŭ jaho ŭstanoŭki.

Jak paviedamili BiełaPAN u pres-słužbie Homielskaha abłasnoha ŭpraŭleńnia MNS, pry padrychtoŭcy da pracy adbyłosia pierakulvańnie aŭtakrana KS-5513-1K3 na šasi «KAMAZ», hruzapadymalnaściu 25 ton, 2010 hoda vypusku, što naležyć adnamu z TAA. Kran upaŭ pry praviercy spraŭnaści vysoŭnaha miechanizmu strały.

U vyniku avaryi paškodžana pierasoŭnaja kampresarnaja stancyja, aŭtakran atrymaŭ niaznačnyja miechaničnyja paškodžańni. Paciarpiełych niama. Pryčynaj padzieńnia aŭtakrana mahło pasłužyć parušeńnie praviłaŭ jaho ŭstanoŭki (miakki hrunt).

Nahadajem, u Homieli ŭ śniežni vadziciel ciahača, pieravoziačy viežavy kran, pry ruchańni zadnim chodam nie ŭpeŭniŭsia ŭ biaśpiecy manieŭru i kran upaŭ na pryvatny nadvorak pa vulicy Knižnaj. Kran pavaliŭ varoty i niekalki bietonnych frahmientaŭ aharodžy ŭ pryvatnym domie.

Kamientary da artykuła