Biełstat pierapisaŭ tempy rostu VUP u trecim kvartale: z 1,9% da 3,1%
Pieraraźlik zakranuŭ i 2011, i 2012 hod.
Biełstat vyrašyŭ pieraličyć tempy rostu VUP krainy — i karcina raptam akazałasia kudy bolš pryvabnaj.
Ličby rostu VUP Biełarusi ŭ 2012 hodzie pa kvartałach vyhladali nastupnym čynam: 3,1% u pieršym, 2,9% u druhim, 1,9% u trecim. Zhodna z novymi padlikami, jany stali istotna lepšymi: 3,4%, 3,0% i 3,1% adpaviedna.
«Papiaredniaja adznaka źjaŭlałasia papiaredniaj, pakolki hruntavałasia na apieratyŭnaj infarmacyi statystyčnych abśledavańniaŭ, ekśpiertnych acenkach i ŭskosnych raźlikach. Publikujemyja dadzienyja zasnavanyja na statystyčnych abśledavańniach arhanizacyj i chatnich haspadarak, dadzienych spravazdačy Minfina ab vykanańni biudžetu RB, aktualizavanych dadzienych apłatnaha bałansu Nacbanka, administracyjnych danych», — havorycca ŭ aficyjnym kamientary Biełstata.
Bolš za toje, pieraraźlik užyty i ŭ dačynieńni da pakazčykaŭ rostu VUP u 2011 hodzie. Papiarednija padliki, jakija byli apublikavanyja ŭ studzieni minułaha hoda, śviedčyli, što VUP Biełarusi ŭ 2011 hodzie vyras na 5,3%.
Ciapier — roŭna praz hod — zafiksavana, što nasamreč u 2011 hodzie rost ekanomiki skłaŭ 5,5%