Pačała vychodzić hazieta «Kričiev pravosłavnyj»
Jaje vydajuć try pravasłaŭnyja chramy rajonnaha centra.
Jak skazaŭ BiełaPAN hałoŭny redaktar Alaksandr Bałdoŭski, metaj vydańnia, jakoje błahasłaviŭ jepiskap Mahiloŭski i Mścisłaŭski Safronij, źjaŭlajecca jak maha bolšaje ŭvacarkaŭleńnie žycharoŭ horada i rajona, stvareńnie placoŭki dla znosin miascovych śviataroŭ. Aprača taho, na staronkach haziety płanujecca publikacyja histaryčnych materyjałaŭ, jakija, pavodle zadumy redkalehii, pavinny być cikavyja taksama historykam, vykładčykam, muziejnym rabotnikam.
Pavodle śćviardžeńnia Bałdoŭskaha, u redakalehiju, jakaja stała inicyjataram vydańnia, uvachodziać nastajacieli ŭsich troch pravasłaŭnych chramaŭ Kryčava —
Pieršy numar haziety vyjšaŭ u poŭnym kolery nakładam 260 asobnikaŭ, abjomam adzin drukavany arkuš. Praduhledžvajecca, što «Kričiev pravosłavnyj» budzie vychodzić adzin raz u dva miesiacy. Pry hetym Bałdoŭski nie vyklučaje dalejšaha pavieličeńnia jak abjomu haziety, hetak i jaje nakładu.
Hazieta, vydadzienaja na achviaravańni prychadžan, raspaŭsiudžvajecca ŭ chramach Kryčava. Ci budzie jana płatnaja, vyrašać nastajacieli, zaznačyŭ hałoŭny redaktar.