«Biełenierha»: Vybuchu enierhabłoka CEC-5 nie było, zaharełasia dyzpaliva ŭ hazavaj turbinie

5 studzienia DVA «Biełenerha» adreahavała na paviedamleńnie, jakoje źjaviłasia niekalki dzion tamu ŭ internecie pra surjoznuju avaryju, jakaja niby adbyłasia na Minskaj CEC-5.

Nahadajem, jak paviedamiŭ čytač charter97.org, ź siaredziny śniežnia 2012 hoda siarod śpiecyjalistaŭ biełaruskaj enierhasistemy raspaŭsiudžvajecca infarmacyja pra vybuch na Minskaj CEC-5. Havorka idzie pra novy prajekt RUP «Minskenierha» sumiesna z Kitajskaj nacyjanalnaj karparacyjaj, u miežach jakoha kitajcy atrymali kantrakt na vykanańnie na MCEC-5 kompleksnaha budaŭnictva z prajektavańniem i kamplektacyjaj parahazavaha enierhabłoka mahutnaściu 399,6 MVt. U skład enierhabłoka ŭvachodziać hazavaja turbina M701F mahutnaściu 270 MVt, kacioł-utylizatar i paravaja turbina mahutnaściu 129,6 MVt. Košt budaŭnictva prakredytavaŭ kitajski bok, suma skłała 260,19 młn. jeŭra. Enierhabłok uklučany na paralelnuju pracu z enierhasistemaj u śniežni 2011 hoda.

Pavodle infarmacyi krynicy sajta «Chartyja'97», «jość viersija, što adbyŭsia adryŭ łapatki turbiny i jaje papadańnie ŭ kamieru zharańnia. Apieratyŭny piersanał MCEC-5 paźbiahaje hutarak na hetuju temu, ale asobnyja śpiecyjalisty dzielacca adzin z adnym skupoj infarmacyjaj». Nakolki surjoznaja avaryja, čytač nie ŭdakładniaje, adnak havoryć, što sam vybuch byŭ čutny navat u navakollach CEC.

3 studzienia dyrektar MCEC-5 Uładzimir Kiško nie paćvierdziŭ i nie abvierhnuŭ infarmacyju pra avaryju na pradpryjemstvie. «Chto tam i što raspaŭsiudžvaje, my pakiniem heta biez kamientaraŭ», — skazaŭ jon BiełaPAN.

U paviedamleńni «Biełenerha», jakoje źjaviłasia na sajcie kampanii, havorycca, što 2 listapada 2012 hoda padčas praviadzieńnia śpiecyjalistami Kitajskaj nacyjanalnaj karparacyi rehłamientnych rabot pa pramyvańni sistemy reziervovaha dyzielnaha paliva, što ažyćciaŭlajucca padčas płanavaha spynieńnia pa dazvolenaj dyśpietčarskaj zajaŭcy, adbyłosia niaštatnaje pastupleńnie dyzielnaha paliva ŭ kamieru zharańnia hazavaj turbiny i jano tam zaharełasia.

Dla vyjaŭleńnia pryčyn i techničnaha stanu turbiny pa vynikach hetaha incydentu była praviedziena jaje razborka, adkryćcio korpusa turbiny i aficyjna dyjahnastavanyja paškodžańni elemientaŭ pratočnaj častki.

Ciapier u adpaviednaści z harantyjnymi kantraktnymi abaviazacielstvami Kitajskaj nacyjanalnaj karparacyjaj ažyćciaŭlajecca pracedura vyznačeńnia nieabchodnych abjomaŭ praviadzieńnia ŭ aptymalna karotkija terminy ramontu pratočnaj častki hazavaj turbiny parahazavaha błoka PHU-400 Minskaj CEC-5.

U paviedamleńni taksama adznačajecca, što parahazavy enierhabłok mahutnaściu 399,6 MVt (PHU-400), najbolej bujny i efiektyŭny z tych, što ekspłuatujucca ciapier na elektrastancyjach Biełaruskaj enierhasistemy. Kaeficyjent jaho karysnaha dziejańnia składaje prykładna 57% suprać 38–40% na ekspłuatavanych turbaŭstanoŭkach. Adnym z najvažniejšych elemientaŭ PHU-400 źjaŭlajecca sučasnaja hazavaja turbina mahutnaściu 270 MVt, vyrablenaja ŭ KNR pa licenzii japonskaj kampanii «Micubisi».

PHU — heta składanatechničnaja parahazavaja ŭstanoŭka pa vytvorčaści elektryčnaj enierhii, jakaja ŭjaŭlaje saboj kompleks abstalavańnia i sistem, jakaja paśla jaje pusku dla vychadu na prajektnyja paramietry i zabieśpiačeńnia dalejšaj efiektyŭnaj ekspłuatacyi patrabuje praviadzieńnia puska-naładačnych i davodačnych rabot. Z ulikam taho, što zbudavańnie hetaha abjekta kitajski bok ažyćciaŭlaje pa pryncypie «pad kluč» i da hetaha času jon całkam nie zdadzieny zamoŭcu — RUP «Minskenierha», usie astatnija puska-naładačnyja raboty vykonvalisia biez udziełu biełaruskich śpiecyjalistaŭ.

Kamientary da artykuła