Tut.by: Hałoŭnaha ideołaha DFR zvolnili za Green Card
Hałoŭny ideołah Departamienta finansavych rasśledavańniaŭ Kamiteta dziaržkantrolu (KDK) Hienadź Pracharcoŭ zvolnieny z zajmanaj pasady.
Hetuju infarmacyju paćvierdzili ŭ
Pavodle nieaficyjnaj infarmacyi, pryčynaj zvalnieńnia stała toje, što ŭ kvatery Pracharcova byŭ znojdzieny dazvoł na žycharstva ŭ ZŠA Green Card. Znajšli jaho supracoŭniki KDB u časie pieratrusu.
Jak paviedamiła TUT.BY infarmavanaja krynica, spačatku śpiecsłužby zaŭvažyli naviedvańnie im pasolstva ZŠA ŭ Minsku, što i stała padstavaj dla pieratrusu. «Pracharcova šmat chto viedaŭ mienavita jak niepryjaciela ZŠA i Zachadu, tamu najaŭnaści ŭ jaho Green Card u KDK z prykraściu ździvilisia», — dadaje surazmoŭca.
Dzie ciapier znachodzicca Pracharcoŭ, nieviadoma. U Kamitecie dziaržaŭnaj biaśpieki nie stali kamientavać hetuju infarmacyju.
Hienadź Pracharcoŭ zajmaŭ pasadu načalnika ŭpravy ideałahičnaj i kadravaj raboty DFR. Niadaŭna — 2 kastryčnika — jon atrymaŭ ad Alaksandra Łukašenki miedal «Za biezdakornuju słužbu» I stupieni.
Varta adznačyć, što nijakaj zakanadaŭčaj normy, jakaja b zabaraniała čynoŭnikam atrymlivać dazvoł na žycharstva ŭ inšaj krainie, niama.
«Hałoŭny ideołah», «namieśnik pa ideałahičnaj pracy» ŭ łukašenkaŭskaj sistemie — heta pasada, stvoranaja dla nahladu za supracoŭnikami i indaktrynacyi.
Ideołahi pravodziać aficyjny kurs i arhanizoŭvać roznaha rodu «vybary», a taksama sočać za «niadobranadziejnymi» kadrami.
DFR adznačyŭsia prynamsi ŭ dźviuch palityčnych spravach. Spačatku jahonyja śledčyja zajmalisia pravaabaroncam Alesiem Bialackim, jakoha źvinavacili ŭ niaspłacie padatkaŭ z hrošaj, što jon źbiraŭ dla padtrymki represavanych. A ŭ 2012 DFR vioŭ daznańnie i skanfiskavaŭ biełaruskamoŭnyja knihi, jakija naležali Valeru Bułhakavu.