Niebiaśpieka hałalodu! Tempieratury rezka pierajšli ad plusavych da minusavych
U subotu ŭ Minsku byŭ 1 hradus ciapła, na vulicach curčeła. A ŭžo hetaj nočču tempieratura apuścicca da minus 5, a ŭviečary niadzieli — da minus 8.
Anałahičnaje padzieńnie tempieratur adznačajecca va ŭsioj krainie.
U paniadziełak, na pravasłaŭnaje Rastvo, marazy ŭzmacniacca.
Mokryja darohi ŭmomant, prosta na vačach pakryvajucca hałalodam. Asablivuju pahrozu siońnia ŭjaŭlajuć saboj masty, spuski na paŭnočnych schiłaŭ uzhorkaŭ, kavałki daroh na hali.
Darožnyja ŭmovy vymahajuć vyklučnaj pilnaści. Na ślizkaj darozie nielha rezka hazavać i tarmazić. Nielha pieraklučacca na niejtrałku.
Treba pamiatać, što plamy hałalodu sustrakajucca navat na suchich darohach. Pahroza pavialičvajecca, kali ŭ vas staryja, ściortyja ci letnija apony.