Čavies nie źjaviŭsia na inaŭhuracyju z-za chvaroby

Apazicyja Vieniesueły patrabuje novych vybaraŭ.

Urad Vieniesueły zajaviŭ, što Uha Čavies moža pačać svoj novy šaścihadovy prezidencki termin u čaćvier, navat kali jon zanadta chvory, kab prysutničać na cyrymonii inaŭhuracyi.

Vice-prezident krainy Nikałas Madura kaža, što Viarchoŭny sud moža pryvieści Čaviesa da prysiahi paźniej. Jon taksama adchiliŭ zakliki apazicyi pravieści novyja vybary, u vypadku, kali Uha Čavies nie naviedaje cyrymoniju inaŭhuracyi.

Ciapier Čavies znachodzicca na Kubie, dzie jaho čaćviorty praapieravali z-za raka. Paśla apieracyi, jakuju praviali bolš za try tydni tamu, jon nie źjaŭlaŭsia na publicy.

Ahladalniki vykazvajuć roznyja mierkavańni adnosna taho, što aznačaje niajaŭka Čaviesa na svaju inaŭhuracyju.

Niekatoryja pradstaŭniki apazicyi zajavili, što adsutnaść Čaviesa na cyrymonii ŭstupleńnia na pasadu, možna traktavać jak «absalutnuju adsutnaść» prezidenta ŭ krainie.

U hetym vypadku kanstytucyja praduhledžvaje, što viarchoŭnaja ŭłada pavinna pierajści da śpikieru parłamienta i na praciahu 30-ci dzion varta pravieści novyja vybary.

Adnak vice-prezident Madura ŭ čaćvier zajaviŭ, što fiksavanaha terminu dla pryviadzieńnia da prysiahi nie isnuje, i niama nijakich pryčyn dla abjavy «absalutnaj adsutnaści» prezidenta na pasadzie.

Urad Vieniesueły zajaviŭ, što 58-hadovy Čavies pakutuje ad uskładnieńniaŭ, vyklikanych surjoznaj lohačnaj infiekcyjaj, jakaja źjaviłasia paśla apošniaj apieracyi.

U kastryčniku jon byŭ pieraabrany na čaćviorty prezidencki termin.

Kamientary da artykuła