U Minsku na 100 siamiej prychodzicca 43 aŭtamabili, 86 kampjutaraŭ i 4 «talerki»
U siarednim u Minsku na 100 chatnich haspadarak prychodzicca 43 lehkavyja aŭtamabili, paviedamili ŭ Hałoŭnym statystyčnym upraŭleńni horada.
U 2002 hodzie hetaja ličba składała 25 aŭtamabilaŭ na 100 haspadarak.
Pavodle źviestak vybaračnaha abśledavańnia, na 1 kastryčnika 2012 hoda ŭ siarednim na 100 chatnich haspadarak horada prychodziłasia 104 chaładzilniki i 22 marazilniki, 161 televizar, čatyry spadarožnikavyja anteny, 92 pralnyja mašyny (u tym liku 88 aŭtamatyčnych pralnych mašyn), 87 pyłasosaŭ, dźvie posudamyjnyja mašyny, 74 mikrachvalevyja piečy, 86 piersanalnych kampjutaraŭ, siem videakamier, 43 ličbavyja fotakamiery, 223 mabilnyja telefony.
Nie źjaŭlajecca siońnia raskošaj piersanalny kampjutar, jaki majecca praktyčna ŭ kožnaj siamji. Kali ŭ 2002 hodzie ŭ siarednim na 100 chatnich haspadarak prychodziłasia 9 piersanalnych kampjutaraŭ, to ŭ 2012 hodzie -- 86.